पुणे:-भीमा कोरेगाव विजयस्तंभ येथे ऐतिहासिक शिस्त, प्रशासनाची कडक अंमलबजावणी आणि संघटनांची जबाबदार भूमिका.
पत्रकार विजय देवकुळे पुणे जिल्हा उपाध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
1) पुणे:-भीमा कोरेगाव विजयस्तंभ येथे ऐतिहासिक शिस्त, प्रशासनाची कडक अंमलबजावणी आणि संघटनांची जबाबदार भूमिका.
पुणे:-भीमा कोरेगाव काल भीमा कोरेगाव येथील ऐतिहासिक विजयस्तंभ परिसरात काल पार पडलेला मानवंदना व अभिवादन कार्यक्रम हा शिस्त, सामाजिक भान आणि संविधानिक मूल्यांचे उत्तम उदाहरण ठरला. राज्यभरातून आलेल्या लाखो अनुयायांनी विजयस्तंभास अभिवादन करताना पूर्ण शांतता, संयम व अनुशासन राखले, हे विशेषत्वाने उल्लेखनीय आहे.
या पार्श्वभूमीवर जिल्हा प्रशासन व पुणे ग्रामीण पोलीस दलाने अत्यंत कडक, नियोजनबद्ध व परिणामकारक बंदोबस्त राबवला. संवेदनशील परिसर असूनही कुठेही अनुचित प्रकार, अफवा, चिथावणी किंवा कायदा-सुव्यवस्थेचा प्रश्न निर्माण होऊ दिला गेला नाही. हे प्रशासनाच्या सक्षम नेतृत्वाचे व काटेकोर नियोजनाचे द्योतक आहे.
कार्यक्रमात सहभागी झालेल्या विविध सामाजिक व विचारधारात्मक संघटनांनी संविधान, समता, बंधुता व शांततापूर्ण मार्गांचा ठाम संदेश दिला. कोणत्याही प्रकारच्या हिंसाचाराला किंवा विघटनवादी प्रवृत्तींना थारा न देता संघटनांनी जबाबदार भूमिका बजावली, हे समाजासाठी दिशादर्शक ठरले आहे.
वाहतूक नियोजन, वैद्यकीय सुविधा, आपत्कालीन सेवा, नियंत्रण कक्ष व स्वयंसेवक व्यवस्थेमुळे नागरिकांना कोणतीही गैरसोय झाली नाही. प्रशासनाने घेतलेल्या उपाययोजनांमुळे संपूर्ण कार्यक्रम सुरळीत, सुरक्षित आणि सन्मानपूर्वक पार पडला.
विजयस्तंभ हा अन्यायाविरुद्ध उभ्या राहिलेल्या शौर्याचा, स्वाभिमानाचा व लोकशाही मूल्यांचा प्रतीक आहे. अशा कार्यक्रमांमधून समाजात शांतता, एकोपा व संविधानावरील निष्ठा अधिक दृढ होत असल्याचा ठाम संदेश काल भीमा कोरेगावमधून देशभर गेला आहे.
प्रशासन आणि संघटनांच्या संयुक्त प्रयत्नांमुळे हा दिवस इतिहास, शिस्त आणि सामाजिक ऐक्याचा गौरवशाली अध्याय म्हणून नोंदवला गेला आहे.
2) पुणे:-लकडी पूल विठ्ठल मंदिरात ह.भ.प. सौ व श्री जय शिव लहाने यांचा लग्नाचा 37 वा वाढदिवस भक्ती-उत्साहात साजरा.
मा.संजयजी अल्हाट साहेब यांची विशेष उपस्थिती, वारकरी संप्रदायाचा भक्तिमय सोहळा.
पुणे:-गुरुवार, दिनांक १ जानेवारी २०२६ रोजी नवीन वर्षाच्या पहिल्याच दिवशी लकडी पूल विठ्ठल मंदिर भजनी मंडळाच्या वतीने आपल्या सर्वांचे मार्गदर्शक ह.भ.प. सौ. व श्री जय शिव लहाने यांचा लग्नाचा 37 वा वाढदिवस अत्यंत भक्तिमय, उत्साहपूर्ण व गौरवशाली वातावरणात साजरा करण्यात आला.
या पावन प्रसंगी हनुमान विजय या पवित्र ग्रंथाची विधिवत समाप्ती करण्यात आली. तसेच नवीन वर्षाचा पहिला दिवस हा त्रिवेणी संगम साधत साजरा करण्यात आला. यावेळी ह.भ.प. श्री पांडुरंग महाराज गायकवाड यांचे सुमधुर, अभ्यासपूर्ण व प्रेरणादायी किर्तन संपन्न झाले. त्यांच्या किर्तनाने उपस्थित सर्व वारकरी भाविक मंत्रमुग्ध झाले.
या सोहळ्यास लोक जनशक्ती पार्टीचे महाराष्ट्र प्रदेश अध्यक्ष माननीय संजयजी अल्हाट साहेब यांनी विशेष उपस्थिती लावून ह.भ.प. सौ. व श्री जय शिव लहाने यांची प्रत्यक्ष भेट घेऊन त्यांना लग्नाच्या वाढदिवसाच्या मनःपूर्वक शुभेच्छा दिल्या. त्यांनी जय शिव लहाने यांच्या धार्मिक, सामाजिक व अध्यात्मिक कार्याचा गौरव करत त्यांच्या पुढील वाटचालीस शुभेच्छा दिल्या.
तसेच भूषण साहेब देशमुख, त्यांचा संपूर्ण घर परिवार, मित्रमंडळी, वारकरी संप्रदायातील मान्यवर, भजनी मंडळाचे सदस्य व भाविकांनी मोठ्या संख्येने उपस्थित राहून जय शिव लहाने यांना लग्नाच्या वाढदिवसाच्या शुभेच्छांचा वर्षाव केला.
भजन, किर्तन, ग्रंथसांगता आणि वाढदिवस सोहळा यामुळे संपूर्ण मंदिर परिसर भक्तिरस, आनंद व सकारात्मक ऊर्जेने न्हाऊन निघाला होता. ह.भ.प. सौ. व श्री जय शिव लहाने यांच्या मार्गदर्शनाखाली भजनी मंडळाने आयोजित केलेला हा उपक्रम नवीन वर्षाची सुरुवात अध्यात्मिक, प्रेरणादायी व समाजप्रबोधनाची दिशा देणारा ठरला, अशी भावना उपस्थित भाविकांनी व्यक्त केली.
