नाशिक:-अखिल भारतीय माळी समाज प्रबोधन व शिक्षण संस्था – नाशिक बैठक व भव्य मेळावा यशस्वीपणे संपन्न.

ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483

अखिल भारतीय माळी समाज प्रबोधन व शिक्षण संस्था – नाशिक बैठक व भव्य मेळावा यशस्वीपणे संपन्न.

रविवार दि. २३ नोव्हेंबर, नाशिक येथे अखिल भारतीय माळी समाज प्रबोधन व शिक्षण संस्थेची विश्वस्त व पदाधिकाऱ्यांची विशेष बैठक तसेच माळी समाजाचा मेळावा अत्यंत उत्साहात, शिस्तबद्ध आणि प्रेरणादायी वातावरणात संपन्न झाला.
महाराष्ट्रभरातून मोठ्या संख्येने पदाधिकारी, मान्यवर आणि माळी समाज बांधवांनी उपस्थित राहून कार्यक्रमाला भव्यता दिली.

बैठकीचे अध्यक्षस्थान संस्थेचे आदरणीय अध्यक्ष श्री. दिलीप राऊत यांनी भूषवले. संस्थेच्या भविष्यातील कामकाज, विकास योजनांवर महत्त्वपूर्ण चर्चा झाली.

या कार्यक्रमाच्या यशस्वितेमागे मुख्य विश्वस्त श्री. पद्मकांत (भाऊ) कुदळे, अध्यक्ष श्री दिलीप राऊत, सरचिटणीस श्री. प्रशांत एकतपुरे,तसेच इतर सर्व विश्वस्त व पदाधिकाऱ्यांचे प्रयत्न विशेष उल्लेखनीय आहेत. त्यांच्या परिश्रम व समन्वयामुळे संपूर्ण कार्यक्रम उत्कृष्टरीत्या पार पडला.

या खास बैठकीला नाशिकच्या आमदार सौ. देवयानी फरांदे यांनी सन्माननीय उपस्थिती दर्शवली.
त्यांनी संस्थेसाठी एक डिजिटल सॉफ्टवेअर तयार करून संपूर्ण माळी समाजाची माहिती एकत्रित करण्याचा अभिनव व दूरदर्शी प्रस्ताव मांडला. या सूचनेमुळे संस्थेच्या डिजिटल सक्षमीकरणास नवी दिशा मिळेल.

संस्थेच्या ८१ वर्षांच्या इतिहासात प्रथमच, सर्व पदाधिकाऱ्यांसाठी हॉटेल ट्रीट (Hotel Treat) या फोर स्टार हॉटेलमध्ये निवास व भोजनाची उच्चस्तरीय व्यवस्था करण्यात आली.
ही संपूर्ण व्यवस्था विश्वस्त सौ. निलिमाताई सोनवणे व त्यांचे चिरंजीव श्री. आनंद सोनवणे यांनी स्वखर्चातून केली — त्यांचा हा त्याग आणि उदारता समाजासाठी आदर्श आहे. त्याबद्दल सोनवणे कुटुंबाचे मनःपूर्वक आभार. यावेळी अनेक समाज बांधवांनी संस्थेसाठी उदंड देणगी जाहीर केली, ज्यातून समाजातील एकतेची भावना आणि संस्थेवरील विश्वास अधोरेखित झाला.

✨ संस्थेने तब्बल १ कोटी ३० लाख रुपयांच्या ठेवींचा ऐतिहासिक टप्पा पार केला — हा यशस्वी मैलाचा दगड गाठण्यासाठी मुख्य विश्वस्त, संस्थेचे अध्यक्ष, सरचिटणीस, खजिनदार व सर्व विश्वस्त मंडळ यांनी केलेल्या नियोजन, पारदर्शक कार्यपद्धती व परिश्रमाबद्दल सर्व समाज बांधवांनी कौतुकाची दाद दिली.संस्थेची आर्थिक भक्कमता वाढत असल्याचे हे ठळक द्योतक आहे.

हा मेळावा व बैठक समाजातील एकोपा, विकास आणि प्रबोधनाचा सुंदर संगम ठरला. नाशिकच्या या सुवर्णक्षणाने माळी समाजाच्या वाटचालीला नव्या ऊर्जा, नवी दिशा आणि नवे बळ दिले.कार्यक्रमाची सुरवात महात्मा फुले रचित सत्याचा अखंड सत्यशोधक रघुनाथ ढोक यांनी गायला तर सूत्र संचालन रवी चौधरी आणि प्रास्ताविक प्रशांत एकतपुरे ,स्वागत दिलीप राऊत यांनी केले.

RPS STAR NEWS YOUTUBE चॅनेल ला LIKE, FOLLOW, SUBSCRIBE आणि COMMENT करा.

ACLS इंटरनॅशनल प्रेस रिपोर्टर असोसिएशन