महाबळेश्वर तालुक्यातील शिंदे गटाच्या झंजावाताने राजकारणाची दिशा बदलली.
पत्रकार उत्तम भालेराव महाबळेश्वर तालुका अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
महाबळेश्वर तालुक्यातील शिंदे गटाच्या झंजावाताने राजकारणाची दिशा बदलली.
महाबळेश्वर तालुक्याचे सुपुत्र, महाराष्ट्राच्या राजकारणात विकासाचा वेग ठरवणारे माननीय उपमुख्यमंत्री एकनाथजी शिंदे यांच्या स्वप्नातील महाबळेश्वर घडवण्यासाठी आज तालुक्यात इतिहास घडला आहे. एकेकाळी ‘महाबळेश्वर तालुक्याची गांधी’ अशी ओळख असलेले सुसंस्कृत व प्रामाणिक नेतृत्व स्वर्गीय धोंडीबा बापू आणि समाजभूषण स्वर्गीय बाळासाहेब भिलारे दादा यांच्या विचारांचा वारसा पुढे नेणारे, स्वर्गीय बापूंचे सुपुत्र तथा शिवसेना उद्धव बाळासाहेब ठाकरे पक्षाचे उपजिल्हाप्रमुख संतोष आप्पा यांनी आज हजारो कार्यकर्त्यांसह शिवसेना—माननीय उपमुख्यमंत्री एकनाथजी शिंदे साहेबांच्या नेतृत्वावर विश्वास ठेवत जाहीर प्रवेश केला.
हा प्रवेश म्हणजे केवळ पक्षांतर नाही, तर महाबळेश्वरच्या राजकारणातील निर्णायक वळण आहे! पंचायत समिती मेट-गुताड गणातून संतोष आप्पा यांनी आपल्या पत्नी सौ. वैशाली संतोष जाधव यांचा उमेदवारी अर्ज दाखल करताच तालुक्यातील राजकीय समीकरणे कोलमडली आहेत.
स्वर्गीय बापू आणि बाळासाहेब भिलारे दादा यांच्या समतेच्या, बहुजनांच्या आणि विकासाच्या विचारांना केंद्रस्थानी ठेवत, समाजातील सर्व बहुजन घटकांना एकत्र घेऊन केलेले भव्य शक्तिप्रदर्शन हे येणाऱ्या राजकीय वादळाची नांदी ठरली आहे. महिलांपासून युवकांपर्यंत, शेतकरी, कामगार, वंचित घटकांची लक्षणीय उपस्थिती पाहता महाबळेश्वर तालुक्यातील जनता आता पोकळ घोषणा नव्हे, तर ठोस विकासाला साथ देण्याच्या भूमिकेत असल्याचे स्पष्ट झाले आहे.
राजकीय जाणकारांच्या मते,
हा प्रवेश म्हणजे विरोधकांसाठी इशार्याची घंटा,
तर शिंदे साहेबांच्या नेतृत्वावर जनतेने टाकलेला ठाम विश्वासाचा शिक्का आहे.
महाबळेश्वरचे राजकारण आता आरोप-प्रत्यारोपांच्या दलदलीतून बाहेर पडत सुसंस्कृत, विकासाभिमुख आणि बहुजनहिताच्या दिशेने वेगाने पुढे जात आहे—आणि हेच सत्य आजच्या या ऐतिहासिक घटनेने अधोरेखित केले आहे.
