सातारा:-सेना-भाजप-राष्ट्रवादीच्या बुरसटलेल्या राजकारणाला थेट आव्हान.
पत्रकार उत्तम भालेराव महाबळेश्वर तालुका अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
सेना-भाजप-राष्ट्रवादीच्या बुरसटलेल्या राजकारणाला थेट आव्हान.
सातारा | प्रतिनिधी
जिल्हा परिषद व पंचायत समिती निवडणुकांच्या पार्श्वभूमीवर वंचित बहुजन आघाडीने थेट रणशिंग फुंकत पारंपरिक सत्ताधारी पक्षांना उघडे पाडण्याची तयारी सुरू केली आहे. सेना, भाजप आणि राष्ट्रवादी काँग्रेसच्या सत्तालोलुप राजकारणाला आता वंचित बहुजन आघाडी निर्णायक आव्हान देणार असल्याचे स्पष्ट संकेत मिळाले आहेत.
भारतीय बौद्ध महासभा व वंचित बहुजन आघाडीच्या संयुक्त बैठकीत तालुका अध्यक्ष उत्तम भालेराव यांनी आक्रमक शब्दांत स्पष्ट इशारा दिला की,
“फक्त उमेदवार उभे करून गप्प बसायचे नाही, तर शेवटच्या श्वासापर्यंत लढायचे आहे. गाजावाजा नव्हे, तर आंबेडकरी विचारसरणीवर आधारित संघर्ष हाच खरा मार्ग आहे.”
ही बैठक म्हणजे सत्ताधाऱ्यांच्या झोपेचा भंग करणारी राजकीय घोषणा ठरली आहे. गेल्या अनेक वर्षांपासून सेना-भाजप-राष्ट्रवादीने बहुजन समाजाला केवळ मतदार म्हणून वापरले, मात्र सत्तेत गेल्यावर प्रश्नांना फाटा दिला. याच राजकारणाला आता वंचित बहुजन आघाडी पूर्ण ताकदीनिशी छेद देणार आहे.
महाबळेश्वर तालुक्यात वंचित बहुजन आघाडी सर्व गट-गणांतून उमेदवार उभे करणार, अशी स्पष्ट घोषणा करण्यात आली असून तालुकाध्यक्ष उत्तम भालेराव यांनी संपूर्ण तालुक्यात आक्रमक संघटन उभारण्याचा निर्धार जाहीर केला आहे. उमेदवारांच्या नावांची अंतिम प्रक्रिया सुरू असून, ही निवडणूक सत्ताधाऱ्यांसाठी सोपी राहणार नाही, हे आता स्पष्ट झाले आहे.
राजकीय विश्लेषकांच्या मते,
“वंचित बहुजन आघाडीचा हा आक्रमक पवित्रा म्हणजे सेना-भाजप-राष्ट्रवादीसाठी थेट इशारा आहे. बहुजन समाज एकवटला तर पारंपरिक पक्षांचे गणित कोलमडू शकते.”
आता प्रश्न एकच आहे —
सत्तेच्या माजात असलेले पक्ष वंचितच्या या लढ्याला कसे सामोरे जाणार?
की पुन्हा एकदा बहुजन समाजाच्या रोषासमोर नतमस्तक होणार?
निवडणुकीची रणधुमाळी सुरू होताच, सातारा जिल्ह्याच्या राजकारणात भूकंप अटळ असल्याचे चित्र आहे.
