वाई:-खंडाळ्यातील पोक्सो प्रकरणात आरोपीची निर्दोष मुक्तता; पुराव्याअभावी न्यायालयाचा निर्णय.
पत्रकार सारिका गवते सातारा जिल्हा महिला अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
वाई:-खंडाळ्यातील पोक्सो प्रकरणात आरोपीची निर्दोष मुक्तता; पुराव्याअभावी न्यायालयाचा निर्णय.
साक्षीदारांच्या जबाबांतील विसंगती ठरली महत्त्वाची; अ‍ॅड. प्रधुन्य गाढवे यांचा न्यायालयात युक्तिवाद.
सातारा | वाई, दि. २६ : खंडाळा पोलीस ठाण्याच्या हद्दीत दाखल झालेल्या बलात्कार व पोक्सो कायद्यांतर्गत गुन्ह्यातील आरोपी प्रविण जगन्नाथ आव्हाडे यांची वाई येथील जिल्हा व सत्र न्यायालयाने निर्दोष मुक्तता केली आहे. सरकारी पक्षाला आरोप संशयातीत सिद्ध करता न आल्याने न्यायालयाने हा निर्णय दिला.
सदर प्रकरणात भारतीय दंड विधानाच्या कलम ३७६ तसेच पोक्सो कायद्याच्या कलम ४ व ६ अन्वये गुन्हा दाखल करण्यात आला होता. या खटल्याच्या सुनावणीदरम्यान साक्षीदारांच्या जबाबांमध्ये विसंगती आढळून आली. तसेच आरोप सिद्ध करण्यासाठी आवश्यक असलेले ठोस पुरावे सरकारी पक्षाकडून सादर करण्यात आले नसल्याचे न्यायालयाच्या निर्णयातून स्पष्ट झाले.
आरोपीतर्फे अ‍ॅड. प्रधुन्य गाढवे यांनी न्यायालयात बाजू मांडली. उपलब्ध पुरावे आणि साक्षीदारांच्या जबाबांतील विसंगती यांचा आधार घेत त्यांनी आरोपीच्या बचावासाठी युक्तिवाद केला. अखेर न्यायालयाने आरोपीची निर्दोष मुक्तता करण्याचा निर्णय दिला.
या निकालामुळे खटल्यातील पुराव्यांचे महत्त्व पुन्हा अधोरेखित झाले आहे. न्यायालयात आरोप सिद्ध करण्यासाठी ठोस पुरावे आणि साक्षीतील सुसंगती किती महत्त्वाची असते, हे या प्रकरणातून स्पष्ट झाले.
